坚守山区支教6年 长途跋涉为辍学孩子补课

52 rèmi nyeng dijèmbrèngin.

百度 另外，在拉萨贡嘎机场起降的飞机将形成北进南出的航线格局，增加了航线的最大承载量。

Rèmi (bahasa Inggris: playing cards) nya'entu seamprog kartu segedé tangan nyeng dipaké bakal maènan. Ni rèmi sokanan gè' dipaké bakal laèn-laèn hal, kaya' sunggelap, encryption, maènan papan, èn ngeja ruma kartu. Kata "rèmi" tu sebenernya nama atu maènan nyeng maké ni kartu.

Ada secèng-it macem maènan kartu. Saben negara, takanu daèrah atu negara gableg maènannya sendèwèk. Di Indonésia, ni akrab ama setilah maènan "41", cangkulan, rèmi, sanggong, èns. Cumanan nyeng kesohor di banyak negara kaya' poker, canasta, blackjack, casino, maèn urut laba-laba, bridge, èn hearts bisa béda jumblah tukang maènnya. Maèn urut laba-laba èn bridge bisa jadi lebih bekèn ketimbang nyeng sèjènnya. Maèn urut laba-laba èn banyak jenisnya udah dimaènin orang sempragan ratusan taon belakangan dimaènin sendèwèkan, utamanya tungkulan ngisi waktu baé. Ontong hèran kalo mau pulang gawé kantor, tukang gawé banyak nyeng maènin ni maènan di kumputer, bukan maké kartu betulan. Ma'lum aja, maèn urut laba-laba jadi gim lumbrah nyang diceplok di kumputer. Gim maèn urut laba-laba kolot gè' dipoyokin Klondike Solitaire. Ni gim uda ada sempragan lama banget, èn sengkilang ni gim mulain dimaènin paké kartu, banyak orang nyeng èling kalo ni tuh gim kolot di kumputer.

Sedeng bridge kudu dimaènin ama empat orang (sokanan pada pasang-pasangan), takanu jadi atu andilan bakal barung Indonésia dalem dunia gerak badan bakal bolé menang dalem atu perlombaan bridge antèrobangsa.

Kaya' nyeng dikenalin wayah gini, atu pak rèmi isinya lima puluh dua biji. Ni kartu dibagi jadi empat macem, nya'entu:

• ? Spade atawa sekop (sering juga' disebut waru)
• ? Heart atawa hati (sering juga' disebut lopè atawa lop)
• ? Diamond atawa wajik (sering juga' disebut témpé)
• ? Club atawa keriting (sering juga' disebut kelingkit atawa kiwil)

Masing-masing cengggableg bakal 13 kartu (Ace/As, 2, 3, 4, 5, 6, 7, 8, 9, 10, Jack/Kesatria, Queen/Ratu, dan King/Raja) ditambain dua kartu Joker warna item èn mera, ni kartu Joker jarang dipaké dalem gim.

Sejarah

Kapan èn sapa nyeng nemuin ni rèmi masing teuing pisan. Kaya'nya uncuk-uncuknya dicomot deri daèrah negeri Tiongkok atawa negeri Hindi bangsa taon pè'pé'. Au' gimana bisa neba' di èropa gè' burek gènèng. Meureunan dibawa ama tukang tajir, tentara, atawa suku nyeng pinda-pinda. Danta punya cerita, ni maènan kartu nongtod di Itali bangsa buntutan taon 1200-an (embuh pisan deri Wètan, Mesir, atawa bangsa Arab). Abisannya, mingkinan nyebar ke Dètslan, Prasman, èn Spanyol.

Kartu pètangan wayah gini.

Secuplek ahli sejarah ngebangsain kalo ni gim kartu tu asil perobahan deri maènan catur nyeng dimaènin ama tukang angon di Asia Kulon. Bari ngangon, dia pada maèn catur paké batu. Laèn ahli ngegagas kalo ni maènan tu berobah deri atu upacara bakal ngasi kabar-kabaran ama déwanya. Empat tungkat atawa panah nyeng uda ditengerin ama empat tenger béda dilèmpar ke pelampangnya. Mana tungkat nyeng jato dima'nain bakal si pendèta bakal titah deri déwa.

Kartu awal-awalan di èropa (Itali) disebut Kartu Pètangan (tarrochi) atawa lauh nasib lantaran bentuknya uda kaya' lauh èn dipaké bakal nerawang nasib. Kartu pètangan paling kolot tu asalnya deri taon 1470 di Lombardi. Hatu paknya cenggableg bakal gocap kartu nyeng dibagi jadi lima barung dengen sepulu kartu. Di mukaannya keserat ama tèma-tèma alegori atawa tahayul soal macem-macem sisi keidupan, kaya' èlmu, seni, bintang ider, èns.

Jaman baheula ni gim cumang bisa dilakonin ama kaum borjuis atawa bangsawan lantaran harganya mahal, sebab masing dikeja ama tangan èn gambarnya tu digambar bener maké tangan tok. Abis citakan kayu ditemuin, ni rèmi bisa kejangko ama masarakat. pengejaan ni kartu mingkin munggah abis ditemuinnya piranti citak maké pelat tambaga. Ditemuinnya pengejaan warna ulang maké tèhnik litografi di awal taon 1800-an mingkin ngeja nongtodnya kartu-kartu nyeng suay deri Dètslan, Itali, èn Prasman.

Sejarah ora nyatet sapa tu sosok Kesatria, Ratu, èn Raja di rèmi wayah gini. Cumanan, sosok di kartu nyeng duluan tu terus-terusan gonta-ganti deri wayah ke wayah. Di kartu nyeng kolotan deri Itali èn Spanyol, empat-empat kartu Raja-nya gambarin raja-raja deri kerajaan nyeng gedé jaman tenga-tenga. Terus, wayah Raja Hèndrik III deri Prasman munggah, pakéan bangsawan di kartu beroba ngikutin hodeng entu jaman.